Sardoba suv ombori to‘g‘onining 1-may, juma kuni, yorilib ketishi oqibatida yuz bergan suv toshqinidan jabr ko‘rgan Sirdaryo viloyatining Oqoltin va Mirzaobod tumanlaridagi aholi yashash punktlariga 4-may kuni 16,2 ming kishi qaytib keldi, deya xabar bermoqda FVV matbuot xizmati. Aholining bir qismi bir kun avval uylariga qaytgan edi.
Mavzuga doir: Sirdaryoda evakuatsiya qilingan 6 mingdan ortiq ayollar, bolalar, qariyalar 4-may kuni o‘z uylariga qaytishi kutilmoqda
Suv tark etgan hududlarni chiqindilardan tozalash ishlari ham davom etmoqda. Kanalizatsiya tizimlari, suv tozalash inshootlari, qabristonlarning ahvoli o‘rganilib, dezinfeksiya qilinmoqda. Kun davomida 1300 ta uy va evakuatsiya qilingan odamlar bo‘lib turgan joylar dezinfeksiya qilingan.
Avvalroq suv toshqini vaqtida o‘lgan 70 ga yaqin hayvon jasadlari sanitariya talablariga rioya etilgan holda ko‘milgani haqida xabar berilgan edi.
Eslatib o‘tamiz, Sirdaryo viloyatidagi Sardoba suv omborida 1-may tongida yuz bergan falokatdan so‘ng 70 mingga yaqin fuqaro xavfsiz hududlarga ko‘chirilgani, kamida 56 kishi turli darajada tan jarohati olib, kasalxonalarga yotqizilgani, 300 kishi vertolyotlar vositasida qutqarilgani haqida xabar berilgan edi.
Mavzuga doir:
- Qashqadaryolik 11 yoshli Mirzohid o‘zi yig‘ib yurgan 12 ming so‘m pulini Sardoba uchun xayriya yordamiga qo‘shdi
- Sirdaryoda Milliy gvardiya xodimi toshqin ichida qolgan xonadondan to‘qqiz kishini qutqarib chiqdi
- Meteorolog: Sardobada falokat yuz bergan vaqtda kuchli yomg‘ir ham, kuchli shamol ham bo‘lmagan
- Sardobadagi falokatda Milliy gvardiya xodimi halok bo‘ldi. Yana biri bedarak yo‘qolgan
Izoh (0)