Сардоба сув омбори тўғонининг 1 май, жума куни, ёрилиб кетиши оқибатида юз берган сув тошқинидан жабр кўрган Сирдарё вилоятининг Оқолтин ва Мирзаобод туманларидаги аҳоли яшаш пунктларига 4 май куни 16,2 минг киши қайтиб келди, дея хабар бермоқда ФВВ матбуот хизмати. Аҳолининг бир қисми бир кун аввал уйларига қайтган эди.
Мавзуга доир: Сирдарёда эвакуация қилинган 6 мингдан ортиқ аёллар, болалар, қариялар 4 май куни ўз уйларига қайтиши кутилмоқда
Сув тарк этган ҳудудларни чиқиндилардан тозалаш ишлари ҳам давом этмоқда. Канализация тизимлари, сув тозалаш иншоотлари, қабристонларнинг аҳволи ўрганилиб, дезинфекция қилинмоқда. Кун давомида 1300 та уй ва эвакуация қилинган одамлар бўлиб турган жойлар дезинфекция қилинган.
Аввалроқ сув тошқини вақтида ўлган 70 га яқин ҳайвон жасадлари санитария талабларига риоя этилган ҳолда кўмилгани ҳақида хабар берилган эди.
Эслатиб ўтамиз, Сирдарё вилоятидаги Сардоба сув омборида 1 май тонгида юз берган фалокатдан сўнг 70 мингга яқин фуқаро хавфсиз ҳудудларга кўчирилгани, камида 56 киши турли даражада тан жароҳати олиб, касалхоналарга ётқизилгани, 300 киши вертолётлар воситасида қутқарилгани ҳақида хабар берилган эди.
Мавзуга доир:
- Қашқадарёлик 11 ёшли Мирзоҳид ўзи йиғиб юрган 12 минг сўм пулини Сардоба учун хайрия ёрдамига қўшди
- Сирдарёда Миллий гвардия ходими тошқин ичида қолган хонадондан тўққиз кишини қутқариб чиқди
- Метеоролог: Сардобада фалокат юз берган вақтда кучли ёмғир ҳам, кучли шамол ҳам бўлмаган
- Сардобадаги фалокатда Миллий гвардия ходими ҳалок бўлди. Яна бири бедарак йўқолган
Изоҳ (0)