Maktablar ushbu semestrda qay tarzda “bulut”ga o‘tdi
2020-yil boshida COVID-19 infeksiyasining birdan avj olib ketishi Xitoyning jadal va barqaror taraqqiyotini to‘xtatib qo‘ydi. Virus ta’lim sohasiga ham kuchli ta’sir ko‘rsatdi, biroq, shunga qaramasdan, o‘quv jarayoni to‘xtab qolgani yo‘q.
Bunday o‘ziga xos vaziyatda butun mamlakat bo‘yicha yuz millionlab talabalar uchun keng ko‘lamli onlayn o‘qishni joriy qilish iloji yo‘q vazifadek tuyuldi. Biz dunyodagi eng yirik loyihalardan biri – Xitoy axborot infratuzilmasini modernizatsiya qilish hodisasiga guvoh bo‘ldik. Ushbu loyiha butun jahonda onlayn ta’limning, shu jumladan o‘qituvchilar va talabalar tayyorgarligining eng katta sinovlaridan biri bo‘ldi.
Imkoniyatlarni sinash
Masofaviy o‘qishga o‘tish barchaga, ta’limni boshqarish organlari, maktablar va universitetlardan tortib, o‘qituvchilar, talabalar va ularning ota-onalarigacha ta’sir ko‘rsatdi. Yangi o‘quv semestrida to‘g‘ridan to‘g‘ri translyatsiya, o‘qish uchun oddiy maydoncha sifatida o‘quv sinflarining o‘rnini egalladi. Doskalar ekranlar bilan almashtirildi, o‘qituvchilar esa bo‘rni bir chekkaga surib, o‘z talabalarining gadjetlarida bilim tashuvchilarga aylandi. Oflayn-maktablarni onlayn-o‘qishga o‘zgartirish yangi ta’lim ssenariylarining paydo bo‘lishiga olib keldiki, ular o‘z navbatida ulkan qiyinchiliklarni tug‘dirmoqda.
O‘qituvchi va o‘quvchining o‘zaro aloqalari kafolatlangan bo‘lishi mumkinmi? Onlayn-o‘qishning asosiy xususiyati o‘qituvchi va o‘quvchining bir-biridan jismonan olis masofada turishi va internet orqali o‘zaro aloqa qilishi zarurligini ko‘rsatadi. Tovush tiniqligini pasaytiruvchi shovqinlar, tasvirning xiraligi yoki noaniqligi, shuningdek, audioning videodan orqada qolishi kabi muammolar o‘quvchilarning vaqtini olishi va o‘qishga xalaqit berishi mumkin. Sinfda real vaqt rejimida o‘quvchining o‘zlashtirish ko‘rsatkichini monitoring qilish – o‘qituvchilar uchun imkonsiz vazifa bo‘lib, u osongina kelgusida ta’lim usullari va natijalarini noto‘g‘ri baholanishiga olib kelishi mumkin. Onlayn-sinf bo‘yicha yaxshi tajriba aniq va to‘xtovsiz video va audioaloqaning mavjud bo‘lishini, shuningdek erkin axborot almashinuvini talab qiladi. Multi-terminal imkoniyatlarning qo‘llab-quvvatlanishi ham zarur bo‘lib, u o‘qituvchilarga maqsadli ta’lim olib borishga imkon beradi.
Biroq, kuchli texnik yechimlarsiz ushbu talablarga javob berish mushkul.
Pandemiya rivojlanishni tezlashtiradi
Guandun provinsiyasining Ta’lim departamenti, o‘zida Guandun eksperimental o‘rta maktabidan tortib, Janubi-Xitoy pedagogika universitetining sho‘ba o‘rta maktabigacha qamrab oluvchi yuqori sifatli onlayn-fanlarni birlashtiruvchi masofaviy ta’lim platformasini ishga tushirdi. Talkweb platformasi negizida yaratilgan, Huawei Cloud bulut servislari tomonidan qo‘llab-quvvatlanadigan va Ta’lim vazirligining umumiy raqamli transformatsiyalash strategiyasiga mos keladigan yechimdan butun mamlakatda foydalanish mumkin.
O‘qituvchilar va talabalar onlayn rejimida savol berish va ularga javob berish uchun matnli va audio/video-xabarlar yordamida real vaqt rejimida o‘zaro aloqa qilish maqsadida o‘quv markazining interfaol platformasidan foydalanadi. Bu o‘quvchilarning ishtirokini yaxshilaydi hamda o‘qituvchilarga o‘quvchilar axborotni qanday o‘zlashtirayotganligini tushunishga imkon beradi. To‘g‘ridan to‘g‘ri efirda berilayotgan darslar avtomatik ravishda yozib olinadi va talabalar ularni mashg‘ulotlardan keyin ko‘rish imkoniyatiga ega. Shuningdek, o‘qituvchilar ham bevosita dars paytida asosiy jihatlarni ko‘rsatish uchun interfaol ruchkadan foydalanishlari mumkin. Talaba izohlar borasida savolga javob berish yoki onlayn rejimida o‘qituvchi bilan o‘zaro aloqa qilish uchun virtual tarzda qo‘l ko‘tarishi mumkin. Ushbu funksiyalar o‘qish ssenariylarini oddiy sinflarda kuzatiladigan ko‘rinishga keltirishda katta ahamiyat kasb etadi.
Platforma ehtiyojlarga qarab besh xil rejimda sinfda o‘qishni ta’minlaydi. Tizim kelgusi to‘g‘ridan to‘g‘ri translyatsiyalar uchun ma’lumotlar ko‘magini ta’minlash maqsadida dars tugagandan keyin real vaqt rejimida onlayn-ko‘ruvchilar soni, o‘zaro aloqalar soni va onlaynda bo‘lish davomiyligi kabi o‘lchovlar bo‘yicha ma’lumotlarni avtomatik ravishda to‘liq tahlil qiladi.
O‘quv muassasalarining ma’murlari va o‘qituvchilari onlayn-majlislarni o‘tkazish, onlayn-o‘qish va mashg‘ulotlardan oldin o‘qituvchi va o‘quvchi o‘rtasida axborotni o‘zaro moslab olish uchun Huawei Cloud WeLink platformasida masofaviy ofis funksiyasidan foydalanish imkoniyatiga ega.WeLink talabalarga xabarlar to‘g‘risidagi har kungi bildirgilarni tekshirishga imkon beradi va kichik onlayn videoaloqalarni ta’minlaydi.
Huawei Cloud onlayn ta’lim yechimi onlayn-darslar uchun to‘liq yechimlar to‘plamini, shu jumladan platforma, to‘g‘ridan to‘g‘ri namoyish, so‘rov bo‘yicha ko‘rsatiladigan xizmatlar, o‘zaro aloqalar va kontent kabilarni taqdim qiladi. U sinfda oflayn ishlashdan tashqari, istalgan vaqtda va istalgan joyda ulangan qurilmalardan foydalanish imkoniyatini ham qo‘llab-quvvatlaydi.
Huawei kompaniyasi har bir kishi ta’lim olish huquqiga va u taqdim etuvchi teng imkoniyatlarga ega deb hisoblaydi. Masalan, O‘zbekistondagi har bitta maktabga Internetdan foydalanish imkoniyatini taqdim qilish chekka hududlarga global o‘quv resurslaridan foydalanishga zamin yaratishi va butun mamlakatdagi bolalarga yana-da keng imkoniyatlarni ta’minlashi mumkin. Tarmoqli, shaxsiylashtirilgan va uzluksiz o‘qish – bu zamonaviy ta’limning asosiy belgilari hisoblanadi, yaratilayotgan texnologiyalar esa tarmoqni ma’lumotlarga asoslangan intellektual sohaga raqamli transformatsiya qilishga ko‘maklashadi. Huawei texnologiyalari ta’lim resurslaridan teng foydalanish va Education4ALL (barcha uchun ta’lim) tashabbusi doirasida yuqori natijalarga erishish imkoniyatini taqdim qiladi.
Reklama huquqi asosida.
Izoh (0)