Yaponiya hukumati koronavirus pandemiyasi tufayli daromadi kamaygan mamlakat aholisiga moliyaviy yordam rejasini tasdiqlamoqchi. Bu haqda Yomiuri gazetasi xabar berdi.
Yangi choralarda bir xonadonga 200 ming iyen (1,85 ming dollar)dan mablag‘ ajratish ko‘zda tutilgan. Bunday yordamdan kam daromadli oilalar va koronavirus tarqalishi sharoitida daromadi keskin kamaygan oilalar foydalanishi mumkin. Bunday toifaga kimlar kirishini belgilovchi chegalar ko‘rsatilmagan, yordam so‘rab murojaat qilganlarning arizalari esa yakka tartibda qabul qilinadi.
Hukumat yangi lohiyaning detallarini bir hafta davomida batafsil ko‘rib chiqib, tasdiqlashi kutilmoqda. Bu borada budjetga kiritilgan tegishli o‘zgartirishlar may oyiga kelib tasdiqlanishi rejalashtirilgan.
Ayni paytda Yaponiyada 3,5 ming kishi koronavirusga chalingan, ularning 712 nafari — Diamond Princess layneri yo‘lovchilari va ekipaj a’zolari. Kruiz kemasi yo‘lovchilari bilan hisoblaganda 82 kishi vafot etgan.
Izoh (0)