Rossiya Sanoat va savdo vazirligi o‘ta zarur bo‘lmagan hollarda spirtli ichimliklar savdosining belgilangan rejimini o‘zgartirmaslikni tavsiya etmoqda. Bunday taklif mahsulot yetkazib beruvchi tashkilotlar faoliyatini ta’minlash bo‘yicha berilgan ko‘rsatmalar qatoridan joy olgan, deb yozmoqda “RBK”.
Ma’lum qilinishicha, Rossiya sanoat va savdo vaziri Denis Manturov tomonidan mamlakatning barcha hududlari rahbarlariga ana shu taklif va ko‘rsatmalar jo‘natilgan.
Vazir tomonidan qayd etilishicha, spirtli ichimliklar savdosiga qo‘shimcha cheklov kiritish noqonuniy mahsulotlarning ulushi ko‘payishiga va jiddiy ijtimoiy tarangliklar oshishiga olib kelishi mumkin.
Avvalroq Baykalorti o‘lkasi rasmiylari “o‘zini yakkalash” rejimi joriy etilganidan keyin spirtli ichimliklar ta’sirida huquqbuzarliklar ortayotgani sababli ularning chakana savdosini to‘xtatgan.Shuningdek, koronavirus sababli Boshqirdistonda 1-apreldan spirtli ichimliklar sotish vaqti qisqartirilgan, mazkur mahsulotlar savdosiga soat 10:00 dan 18:00 gacha ruxsat etilgan. Xakasiyada esa spirtli ichimliklarni soat 10:00 dan 15:00 gacha sotib olish mumkin. Bunday choralar Yoqutiston va Kareliyada ham joriy qilingan.
Avvalroq karantin sababli AQShda spirtli ichimliklar savdosi bir haftada 55 foizga oshgani haqida xabar berilgan edi.
Izoh (0)