Prezident Shavkat Mirziyoyev raisligida 3-aprel, juma kuni, koronavirus pandemiyasi keltirib chiqargan inqirozga qarshi kurashish sharoitida tadbirkorlikni qo‘llab-quvvatlash masalalari bo‘yicha videoselektor yig‘ilishi o‘tkazildi.
Muhokamalarga o‘tishdan oldin davlat rahbari yana bir bor O‘zbekiston xalqiga murojaat qilarkan, koronavirus oqibatida vafot etgan ikki o‘zbekistonlikning oila a’zolariga va yaqinlariga o‘z nomidan va butun O‘zbekiston xalqi nomidan chuqur ta’ziya bildirdi.
Yurtimizga chetdan kirib kelgan koronavirus kasalligiga chalinganlar soni 221 taga yetdi. Ming afsuski, ko‘rsatilgan tibbiy yordamga qaramasdan, bemorlardan ikki nafari vafot etdi. Ularning oila a’zolari va yaqinlariga o‘z nomimdan, butun xalqimiz nomidan chuqur ta’ziya bildirib, sabr-toqat va bardamlik tilayman.Shavkat Mirziyoyev, O‘zbekiston Prezidenti
Mavzuga doir: Shavkat Mirziyoyev koronavirusga qarshi kurashda intizom, sabr-toqat va mas’uliyat ko‘rsatishni so‘rab, xalqqa murojaat qildi
Koronavirusning O‘zbekistondagi ikkinchi qurboni esa Toshkentda istiqomat qilgan 39 yoshli shifokor ekani aytilgan edi — u kasalligini yashirib, o‘zini uyda davolashga uringan. Undan 14 yoshli qashqadaryolik jiyaniga va asli navoiylik ona-bolaga koronavirus yuqqan.
Ma’lumot uchun, 3-aprel Toshkent vaqti bilan soat 20:00 holatiga ko‘ra, O‘zbekistonda koronavirusga chalingan jami bemorlar soni 221 nafarga yetdi — ularning 25 nafari sog‘ayib, reabilitatsiyaga o‘tkazilgan, ikki nafari esa vafot etgan.
Izoh (0)