O‘zbekistonda koronavirusga chalingan bemorlarning yana 13 nafari butunlay sog‘aydi

O‘zbekistonda koronavirus infeksiyasiga chalingan bemorlarning yana 13 nafari 2-aprel, payshanba kuni, butunlay tuzaldi. Bu haqda Sog‘liqni saqlash vazirligining jamoatchilik bilan aloqalar bo‘limi xabar berdi.

Qayd etilishicha, ularning 12 nafari Virusologiya ilmiy-tekshirish instituti klinikasidan, 1 nafari esa Xorazm viloyatidagi yuqumli kasalliklarga ixtisoslashgan shifoxonadan sog‘ayib chiqdi.

Mavzuga doir: O‘zbekistonda koronavirusga chalinganlar haqida batafsil ma’lumot berildi (infografika)

Virusologiya ilmiy-tekshirish instituti klinikasida sog‘ayganlarni sog‘liqni saqlash vaziri Alisher Shodmonov va boshqa mas’ullar Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markaziga kuzatdi.

Koronavirus infeksiyasidan tuzalgan fuqarolarning 1 nafari 13-mart kuni Istanbul—Toshkent yo‘nalishidagi reysda, yana 1 nafari esa 18-mart kuni Moskva—Toshkent yo‘nalishidagi reys bilan O‘zbekistonga kelgan. Qolgan 11 nafar kishi esa koronivirus infeksiyasiga chalingan fuqarolar bilan muloqotda bo‘lgan.

Mavzuga doir: Oksford universiteti tadqiqotchilari O‘zbekistonda koronavirus tarqalishining keyingi taqdirini prognoz qildi

1-aprel, chorshanba kuni, koronavirusga chalingan bemorlarning to‘rt nafari sog‘ayib, reabilitatsiyaga chiqarilgandi. Ayni paytda O‘zbekistonda koronavirus infeksiyasidan jami sog‘ayganlar 25 nafarga yetdi. Mavzuga doir:

• Buxoroda karantinda saqlanayotgan fuqarolarning 836 nafari karantin davrini o‘tab, uyiga qaytdi
• Samarqandda 35 fuqaro ikki haftalik karantindan chiqdi. Ular endi uy sharoitida nazorat qilinadi
• Misrdan Navoiyga olib kelingan 181 nafar fuqaroning karantin muddati tugadi. Ularda koronavirus aniqlanmadi (foto va video)