O‘zbekistonda dam olish kunlari qanday ob-havo kutilayotgani ma’lum qilindi

Respublika Gidrometeorologiya markazi O‘zbekistonda dam olish kunlari kuzatiladigan ob-havo ma’lumotini e’lon qildi.

Qayd etilishicha, 4-aprel, shanba kuni, respublikaning katta qismida ob-havo quruq va bahoriy iliq bo‘ladi, faqat janubi-g‘arbiy hududlar — Buxoro, Navoiy, Samarqand va Qashqadaryo viloyatlarida Turkmanistondan chiqadigan nam havo oqimi ta’sirida ayrim joylarga yomg‘ir yog‘ishi mumkin. Harorat 22-25 daraja iliq bo‘ladi.

5-aprel, yakshanba kuni, mamlakat hududiga Kavkaz viloyatlaridan kuchsiz havo oqimi kiradi. Respublika bo‘yicha ayrim joylarda yomg‘ir yog‘adi. Shimoliy viloyatlar va Farg‘ona vodiysi viloyatlarida yog‘ingarchilik kutilmaydi. Kunduzgi harorat pasayib, 17-20 daraja iliq bo‘ladi.