O‘zbekistonda 2020-yilning 2-martidan boshlab savdo ekvayringi uchun komissiya to‘lovlarini undirish boshlandi. Avval xabar berilganidek, ushbu komissiya yig‘imi Uzcard hamda Humo tizimlari terminallari orqali qilingan to‘lovlardan olinadi.
Markaziy bankning yozishicha, bank kartalari orqali to‘lovlar amalga oshirilishida xalqaro tajriba bo‘yicha vositachilik haqi, qoida tariqasida, bank kartasi saqlovchisidan (egasidan) emas, to‘lovlarni qabul qiluvchi savdo va xizmat ko‘rsatish subyektlaridan olinadi.
Ushbu vositachilik haqi banklarga to‘lov infratuzilmasiga xizmat ko‘rsatish bilan bog‘liq xarajatlarini qoplash va banklararo vositachilik haqini to‘lash imkonini berishi ta’kidlangan.
Bu tadbir bir tomondan to‘lov infratuzilmasini rivojlantirish uchun xarajatlarni qisman qoplashga, boshqa tomondan bank kartalari yordamida to‘lovlarni muntazam amalga oshiruvchi mijozlarga turli bonus, diskont va rag‘batlantiruvchi dasturlarni (keshbeklar) taklif qilishga imkoniyat yaratadi, natijada naqd pulsiz hisob-kitoblarning ko‘payishiga olib keladi.
“Aslida bunday komissiya butun dunyoda undiriladi, ammo bizda unday emas edi. Humo’ga , komissiya undirishga ruxsat berildi, lekin shunda ham bankning xohishiga qo‘yib berildi. O‘z mizojlarini yo‘qotishdan qo‘rqib banklar bunday komissiyadan voz kechib kelgan. Umuman olganda esa bu jahonda normal amaliyotdir”, — deya Smart Group kompaniyalar tarmog‘i (“Vinariba”, “Manas”, Steam bar, Green) asoschisi Sanjar Maqsudov so‘zlarini keltilmoqda Spot.
Izoh (0)