“O‘zgidromet”ning xabar berishicha, 2-mart, dushanba kuni, mamlakatning barcha hududida ob-havo bahoriy — iliq va quyoshli bo‘ldi. Turkmaniston hududidan kirgan havo oqimi haroratning ko‘tarilishiga olib keladi, kunduzi harorat 20-25 daraja iliqni tashkil etdi, bu me’yoriy qiymatlardan 9-11 darajaga yuqoridir.
Yаqin ikki kun davomida respublika hududiga Kaspiy dengizi janubiy tumanlaridan harakat qilayotgan bulutlar hisobiga harorat bir oz pasayadi. Mamlakat bo‘yicha yog‘ingarchiliksiz ob-havo saqlanib turadi. Faqat 4-mart, chorshanba kuni, Qashqadaryo, Surxondaryo viloyatlari, kechga borib esa Samarqand viloyatida yomg‘ir yog‘ishi mumkin. 3—4-martda respublika bo‘yicha shamolning tezligi sekundiga 15-20 metrgacha kuchayishi kutilmoqda.
5-mart, payshanba kuni, Kaspiy dengizi shimoliy hududidan O‘zbekistonga nam va salqin havo oqimining kirishi kutilmoqda, bu havo o‘zi bilan yomg‘ir va salqin olib keladi. Faqat respublikaning shimoli-g‘arbiy tumanlarida yog‘ingarchilik bo‘lmaydi. Harorat kechasi 2-7 daraja iliq, kunduzi 7-12 daraja iliq atrofida bo‘ladi.
Ish haftasining oxirida yog‘ingarchilik bo‘lishi kutilmayapti, sovuq va nam havo oqimi ta’sirida harorat kechasi 0-5 daraja iliq, kunduzi 7-12 daraja iliq bo‘ladi.
Izoh (0)