Xitoy politsiyasi taniqli fuqarolik huquqlari faoli va Pekin Telekommunikatsiya universitetining sobiq professori Syuy Chjiyunni Xitoy prezidenti Si Szinpin va hukumatning koronavirusga qarshi kurash choralarini tanqid qilganidan keyin hibsga oldi. Bu haqda The Guardian xabar bermoqda.
Ma’lum qilinishicha, Syuy Chjiyun 15-fevral, shanba kuni, Xitoyning Guanjou shahrida ijtimoiy tarmoqlarda post qoldirganidan keyin qo‘lga olingan. Sobiq professor o‘z postida Si Szinpin keng ko‘lamli inqiroz davrida mamlakatni boshqara olmasligi haqida fikr bildirgan.
Erkak qamoqqa olinishidan oldin u bilan advokatlik firmasida birga ishlagan hamkasbining uyida yashiringan.
Syuyning do‘stlari u uzoq muddatli qamoq jazosiga hukm qilinishini taxmin qilmoqda, chunki u allaqachon qamoqda bo‘lgan. Xitoy rasmiylari odatda ikki marta qonunni buzganlarga nisbatan qattiqroq jazo choralarini qo‘llaydi.
Avvalroq Xitoyda koronavirusni yuqtirib olganini yashirganlarga o‘lim jazosi qo‘llanilishi ma’lum qilingan edi. Infeksiyaning tarqalishiga yo‘l qo‘ygan shaxs jamoat xavfsizligiga tahdidni keltirib chiqarishda ayblanishi mumkin. Si Szinpin esa koronavirus epidemiyasi boshlanganidan beri qanday choralar ko‘rganini ma’lum qildi.
Izoh (0)