Rossiya Sovet Ittifoqining vorisi hisoblanmaydi, balki o‘z hududida “noqonuniy tuzilgan davlat”ning o‘rnida bo‘lib turibdi. Rossiya Konstitutsiyaviy sudi sudyasi Konstantin Aranovskiy shunday fikr bildirgan, deya xabar beradi “RBK”.
Aranovskiy Rossiya Konstitutsiyaviy sudining siyosiy repressiyalardan jabr ko‘rganlarning bolalariga boy berilgan uy-joyni kompensatsiya qilish to‘g‘risidagi qarorini shunday izohladi. Uning aytishicha, repressiya qurbonlari oqlanishi aybdor tomonidan zararning qoplanishi sifatida baholanmasligi kerak.
“Shu misolning o‘zi Sovet Ittifoqining repressiv-terrorchilik qilmishlari bo‘yicha majburiyatlar Rossiyaga yuklanishi va mamlakat sobiq tuzumning vorisi ekanligi bahsli masalaligini ko‘rsatadi. Rossiya qulagan sotsializm davlatining o‘rnini bosmasligi kerak, chunki Sovetlar hokimiyati turli kechirib bo‘lmas jinoyatlar, jumladan, qonuniy Ta’sis majlisining tarqatib yuborilishi uchun ham aybdor hisoblanadi. Bu davlat huquqiy demokratiya yo‘lini tanlagan Rossiyaning o‘tmishdoshi bo‘lolmaydi. Ayni paytda, Rossiya buzilgan huquqlar va adolatni tiklash mezonlarini ham unutmasligi lozim”, — deya ta’kidlagan Aranovskiy.
Kommunistik tuzumlarning harakatlari qonun yo‘li bo‘li qoralangan Germaniya va Chexiyani misol tariqasida keltirgan sudya ushbu aytganlari Rossiyaning xalqaro tashkilotlarga a’zoligini bekor qilmasligini bildirdi.
Izoh (0)