Хитой полицияси таниқли фуқаролик ҳуқуқлари фаоли ва Пекин Телекоммуникация университетининг собиқ профессори Сюй Чжиюнни Хитой президенти Си Цзиньпин ва ҳукуматнинг коронавирусга қарши кураш чораларини танқид қилганидан кейин ҳибсга олди. Бу ҳақда The Guardian хабар бермоқда.
Маълум қилинишича, Сюй Чжиюн 15 февраль, шанба куни, Хитойнинг Гуанжоу шаҳрида ижтимоий тармоқларда пост қолдирганидан кейин қўлга олинган. Собиқ профессор ўз постида Си Цзиньпин кенг кўламли инқироз даврида мамлакатни бошқара олмаслиги ҳақида фикр билдирган.
Эркак қамоққа олинишидан олдин у билан адвокатлик фирмасида бирга ишлаган ҳамкасбининг уйида яширинган.
Сюйнинг дўстлари у узоқ муддатли қамоқ жазосига ҳукм қилинишини тахмин қилмоқда, чунки у аллақачон қамоқда бўлган. Хитой расмийлари одатда икки марта қонунни бузганларга нисбатан қаттиқроқ жазо чораларини қўллайди.
Мавзуга доир: Хитой коронавируси бўйича 17 февралнинг асосий хабарлари
Изоҳ (0)