Россия Совет Иттифоқининг вориси ҳисобланмайди, балки ўз ҳудудида «ноқонуний тузилган давлат»нинг ўрнида бўлиб турибди. Россия Конституциявий суди судьяси Константин Арановский шундай фикр билдирган, дея хабар беради «РБК».
Арановский Россия Конституциявий судининг сиёсий репрессиялардан жабр кўрганларнинг болаларига бой берилган уй-жойни компенсация қилиш тўғрисидаги қарорини шундай изоҳлади. Унинг айтишича, репрессия қурбонлари оқланиши айбдор томонидан зарарнинг қопланиши сифатида баҳоланмаслиги керак.
«Шу мисолнинг ўзи Совет Иттифоқининг репрессив-террорчилик қилмишлари бўйича мажбуриятлар Россияга юкланиши ва мамлакат собиқ тузумнинг вориси эканлиги баҳсли масалалигини кўрсатади. Россия қулаган социализм давлатининг ўрнини босмаслиги керак, чунки Советлар ҳокимияти турли кечириб бўлмас жиноятлар, жумладан, қонуний Таъсис мажлисининг тарқатиб юборилиши учун ҳам айбдор ҳисобланади. Бу давлат ҳуқуқий демократия йўлини танлаган Россиянинг ўтмишдоши бўлолмайди. Айни пайтда, Россия бузилган ҳуқуқлар ва адолатни тиклаш мезонларини ҳам унутмаслиги лозим», — дея таъкидлаган Арановский.
Коммунистик тузумларнинг ҳаракатлари қонун йўли бўли қораланган Германия ва Чехияни мисол тариқасида келтирган судья ушбу айтганлари Россиянинг халқаро ташкилотларга аъзолигини бекор қилмаслигини билдирди.
Изоҳ (0)