Yaponiyaning Sagamirxara shahrida joylashgan imkoniyati cheklangan odamlar uchun mo‘ljallangan muassasa sobiq xodimi Satosi Uematsu 2016-yilda pansionatning 19 nafar ijarachisini o‘ldirgani uchun o‘lim jazosiga hukm etildi. Tegishli qaror okrug sudi tomonidan qabul qilingan, deb xabar beradi “Kommersant”.
Ayblanuvchining himoyachisi mijozining o‘zgarmasligini ta’kidlagan. Erkak esa o‘z xatti-harakatlarini “nogironlar bo‘lmasa yaxshi bo‘ladi” deya tushuntirgan. Sudda Satosi aybiga iqror bo‘lgan va qilgan ishidan pushaymonligini bildirgan.
Eslatib o‘tamiz, ko‘ngilsiz hodisa 2016-yilning iyulida sodir bo‘lgan edi. 26 yoshli erkak nogironligi bo‘lgan shaxslar yashaydigan muassasaga hujum qilgandi. U muassasaga qora mashinada kelib, bino derazasini bolg‘a bilan sindirib kirib olgan. O‘zi bilan uchta pichoq solingan sumkani olib kelgan. Hujum oqibatida 20 dan ortiq odam jarohat olgan edi.
Izoh (0)