Kamerunda qurollangan shaxslar qishloqda 22 kishini o‘ldirdi. Ulardan 14 nafari bolalar

Kamerundagi qishloqqa qurolli hujum natijasida 22 kishi halok bo‘ldi, deb xabar bermoqda “Kommersant” AFP’ga tayanib.

Voqea 14-fevral kuni sodir bo‘lgan. Qurollangan shaxslar ingliz tilida so‘zlashadigan aholi istiqomat qiladigan hududga kelgan, mamlakatning qolgan qismi esa asosan fransuz tilida so‘zlashadi.

Noma’lum shaxslar besh yoshdan kichik bo‘lgan 9 nafar bolani, homilador ayolni va o‘z bolalarini ko‘tarib ketayotgan 2 ayolni o‘ldirgan.

Kamerundagi to‘qnashuvlar 2016-yildan beri davom etmoqda. 2017-yilda Kamerunning bir qismida muxolifot o‘zini o‘zi respublika deb e’lon qilgan Ambazoniyani yaratdi. 2016-yildan buyon sodir bo‘lgan to‘qnashuvda 3 ming kishi halok bo‘lgan, 500 ming kishi qochqin bo‘lgan.