Joriy yil 8-fevral, kuni soat 18:39 da Toshkentning Olmazor tumani, “Umid” mahallasi, Qoraqamish 2/3-dahasi, 21-uyda joylashgan qurilishi tugatilmagan “Siroj Solih” jome masjidining ichki va shift qismi 60 metr kvadrat maydonida yong‘in sodir bo‘ldi. Bu haqda FVV matbuot xizmati ma’lum qildi.
Yong‘in-qutqaruv guruhlari soat 18:46 da hodisa joyiga yetib borgan. Soat 18:56 da alanga qurshab olinib, soat 19:39 da to‘liq o‘chirilgan.
“Yong‘in qurilish obyektida payvandlash ishlari olib borish jarayonida yong‘in xavfsizligi qoidalariga rioya qilmaslik oqibatida kelib chiqqan”, — deyiladi xabarda.
IIBB matbuot xizmatiga ko‘ra, hodisa oqibatida qurbonlar va jabrlanganlar bo‘lmagan.
Izoh (0)