Moskva metrpoliteni Xitoyda tarqalgan koronavirus mavzusidagi turli tanlov va o‘yinlar tufayli politsiyaga murojaat qilmoqda. Bu haqda poytaxt yerosti transporti xizmatining Twitter’dagi sahifasida xabar berilgan.
Metropoliten vakillarining so‘zlariga ko‘ra, bu — shunchaki hazil emas, balki chinakam bezorilik.
VKontakte ijtimoiy tarmog‘idagi “Podslushano metro Moskvi” guruhida 5-fevral kuni post e’lon qilingan va uning muallifi vagon bo‘ylab yetti nafar xitoylikning olib yurilganini qayd etgan.
Shu kunning o‘zida Facebook’da Veronika Plexanova ismli foydalanuvchi ikki nafar kimyoviy himoya libosi kiygan odamning bir nechta niqob taqqan osiyoliklarni metro vagonida olib yurgani aks etgan fotosurat hamda videoyozuvni yuklagan.
Rolik va fotodan kadrga tushib qolgan odamlarning bir-birini tanish yoki tanimasligini anglash mushkul.
https://www.facebook.com/veronika.plekhanova/videos/10206852564747988/
Meduza nashri himoya niqobi taqqan 7 nafar yo‘talayotgan xitoylikning metro vagonida olib yurilib, keyingi bekatga olib o‘tilayotgani haqidagi foto yoki ushbu vaziyat aks etgan videoni topa olmagan.
3-fevralda Aleks Pranks YouTube kanalida ham Facebook’da e’lon qilingan koronavirus haqidagi videoni yuklagan.
Izoh (0)