Qashqadaryo viloyati IIBda 30-yanvar kuni keng muhokamaga sabab bo‘layotgan, o‘g‘rilikda gumonlanib, Chiroqchi tumani IIBga keltirilgan fuqaroning vafot etishi bilan bog‘liq holat yuzasidan brifing o‘tkazilmoqda, deya xabar bermoqda “Daryo” muxbiri Otabek Qo‘ldoshev.
Tadbirda so‘zga chiqqan O‘zbekiston ichki ishlar vaziri matbuot kotibi Shohrux G‘iyosov IIB binosida odam o‘limi holati yangilik emasligini ta’kidladi. “Bunday holatlar, afsuski, ilgari ham bo‘lgan”, — dedi u.
G‘iyosovning qo‘shimcha qilishicha, 2019-yil davomida mamlakat miqyosida 7037 nafar ichki ishlar xodimiga jazo choralari qo‘llanilgan.
Brifingda “Daryo” muxbiri chiroqchilik 32 yoshli fuqaro 23-yanvar kuni tungi soat 1:50 da o‘ldirilgan bo‘lsa, shu kuni soat 14:00 da viloyat IIBda o‘tkazilgan matbuot brifingida nega bu haqda ma’lumot berilmaganligi bilan qiziqdi.
“Holat huquqiy tomonlama o‘rganib chiqilmagani bois bu haqda ma’lumot berilmagan. Ammo bu bizning aybimiz. Ammo bu haqda hozircha ayta olmaymiz, bir haftadan so‘ng vazir xulosasi bilan birga e’lon qilamiz”, – deb javob bergan Shohrux G‘iyosov.
Xabar to‘ldirilmoqda.
Izoh (0)