Қашқадарё вилояти ИИБда 30 январь куни кенг муҳокамага сабаб бўлаётган, ўғриликда гумонланиб, Чироқчи тумани ИИБга келтирилган фуқаронинг вафот этиши билан боғлиқ ҳолат юзасидан брифинг ўтказилмоқда, дея хабар бермоқда «Дарё» мухбири Отабек Қўлдошев.
Тадбирда сўзга чиққан Ўзбекистон ички ишлар вазири матбуот котиби Шоҳрух Ғиёсов ИИБ биносида одам ўлими ҳолати янгилик эмаслигини таъкидлади. «Бундай ҳолатлар, афсуски, илгари ҳам бўлган», — деди у.
Ғиёсовнинг қўшимча қилишича, 2019 йил давомида мамлакат миқёсида 7037 нафар ички ишлар ходимига жазо чоралари қўлланилган.
Брифингда «Дарё» мухбири чироқчилик 32 ёшли фуқаро 23 январь куни тунги соат 1:50 да ўлдирилган бўлса, шу куни соат 14:00 да вилоят ИИБда ўтказилган матбуот брифингида нега бу ҳақда маълумот берилмаганлиги билан қизиқди.
«Ҳолат ҳуқуқий томонлама ўрганиб чиқилмагани боис бу ҳақда маълумот берилмаган. Аммо бу бизнинг айбимиз. Аммо бу ҳақда ҳозирча айта олмаймиз, бир ҳафтадан сўнг вазир хулосаси билан бирга эълон қиламиз», – деб жавоб берган Шоҳрух Ғиёсов.
Хабар тўлдирилмоқда.
Изоҳ (0)