Qarshi va Samarqand shaharlarida O‘zbekistonning Birinchi Prezidenti Islom Karimov xotirasi yod etilib, haykali poyiga gulchambar qo‘yildi, deb xabar bermoqda “Daryo” muxbiri.
Qarshida viloyat faollari va jamoatchilik ishtirok etgan xotira tadbirida viloyat hokimi Zoir Mirzayev ishtirok etib, Birinchi Prezident haykali poyiga gul qo‘ydi.
Samarqand viloyatida ham hokim Erkinjon Turdimov boshchiligidagi viloyat faollari Islom Karimov xotirasini yod etdi, Qur’on tilovat qilindi.
Bugun, 30 yanvar, O‘zbekistonning Birinchi Prezidenti Islom Karimovning tug‘ilgan kuni. Islom Karimov hayot bo‘lganida bugun 82 yoshga to‘lgan bo‘lardi.
Viloyatlardagi ta’lim muassasalari, muzeylar va boshqa muassasalarda O‘zbekiston Respublikasi Birinchi Prezidentining hayoti va serqirra faoliyatiga bag‘ishlangan davra suhbatlari, ilmiy-amaliy anjumanlar o‘tkazilmoqda.
Eslatib o‘tamiz, Birinchi Prezident xotirasini abadiylashtirish maqsadida poytaxtda, shuningdek, Samarqand va Qarshi shaharlarida ham Islom Karimov haykali o‘rnatilgan.
Izoh (0)