Davlat bojxona qo‘mitasi ishlab chiqarilganiga 9 yil bo‘lgan avtobusni yangi deb o‘tkazmoqchi bo‘lgan fuqarolarning ushbu harakatini fosh etdi. Bu haqda qo‘mita axborot xizmati xabar qilgan.
Xabarga ko‘ra xorijiy davlatdan O‘zbekistonga olib kelingan transport vositasi qo‘mita Kontrabanda va bojxona qonunchiligi buzilishiga qarshi kurashish boshqarmasi xodimlari tomonidan nazoratdan o‘tkazilganda avtobusning hujjatlarda ko‘rsatilganidek 2019-yilda emas, aksincha 2011-yilda ishlab chiqarilgani aniqlangan. Avtobus uchun qo‘shimcha 760 million so‘m bojxona to‘lovlari hisoblandi. Holat yuzasidan bojxona organlari tomonidan surishtiruv harakatlari olib borilmoqda.
Mavzuga doir:
Izoh (0)