Keniyadagi harbiy bazaga uyushtirilgan hujum oqibatida amerikalik harbiy va shartnoma asosida AQSh Mudofaa vazirligiga ishlayotgan ikki kishi halok bo‘ldi. Bu haqda AQSh qurolli kuchlarining Afrikadagi qo‘mondonligi ma’lum qildi. Shartnoma asosida ishlaydigan yana ikki kishi yaralangan, ularning ahvoli barqaror.
Keniya qurolli kuchlarining Menda-bey aerodromi yaqinidagi bazasiga 5-yanvar kuni radikal kayfiyatdagi “Ash-Shabob” diniy guruhi a’zolari hujum qilgan edi. Ular o‘qotar qurollar bilan baza hududiga bostirib kirgan.
Hujum vaqtida oltita fuqarolik samolyotiga zarar yetkazilgan. Hujum amerikalik va keniyalik harbiylarning birgalikdagi sa’y-harakatlari bilan qaytarilgan. “Ash-Shabob”ning besh a’zosi o‘ldirilgan.
Izoh (0)