Кениядаги ҳарбий базага уюштирилган ҳужум оқибатида америкалик ҳарбий ва шартнома асосида АҚШ Мудофаа вазирлигига ишлаётган икки киши ҳалок бўлди. Бу ҳақда АҚШ қуролли кучларининг Африкадаги қўмондонлиги маълум қилди. Шартнома асосида ишлайдиган яна икки киши яраланган, уларнинг аҳволи барқарор.
Кения қуролли кучларининг Менда-бей аэродроми яқинидаги базасига 5 январь куни радикал кайфиятдаги «Аш-Шабоб» диний гуруҳи аъзолари ҳужум қилган эди. Улар ўқотар қуроллар билан база ҳудудига бостириб кирган.
Ҳужум вақтида олтита фуқаролик самолётига зарар етказилган. Ҳужум америкалик ва кениялик ҳарбийларнинг биргаликдаги саъй-ҳаракатлари билан қайтарилган. «Аш-Шабоб»нинг беш аъзоси ўлдирилган.
Изоҳ (0)