AQSh prezidenti Donald Trampning advokati Rudolf Juliani 2018-yil sentabrida Venesuela prezidenti Nikolas Maduro bilan telefon orqali muzokaralar o‘tkazgan. Bu haqda The Washington Post ma’lum qildi.
Nashr manbalariga ko‘ra, suhbat “Maduroni hokimiyatdan chetlatish va resurslarga boy Venesuelani biznes uchun ochish bo‘yicha yashirin diplomatik urinishlar”ning bir qismi bo‘lgan.
Shu vaqtning o‘zida Juliani Venesuela prezidenti iste’fosini AQSh prezidentining o‘sha paytdagi maslahatchisi Jon Bolton bilan muhokama qilgan, biroq u advokatning taklifini qat’iy rad etgan. Bolton rahbarligi ostida Oq uy Venesuelaga qarshi sanksiyalarni kuchaytirdi va mamlakat hukumatiga nisbatan munosabatni keskinlashtirdi.
Nikolas Maduro bilan telefon orqali muloqotda sobiq kongressmen Pit Seshens ham ishtirok etgani aytilmoqda. Suhbat uning 2018-yil bahorida Venesuelaga tashrifidan so‘ng bo‘lib o‘tgan.
Izoh (0)