Vladimir Putin 29-dekabr kuni AQSh yetakchisi Donald Tramp bilan telefon orqali muloqotda bo‘ldi. Bu haqda Rossiya prezidenti matbuot xizmati ma’lum qildi.
Suhbat davomida Rossiya prezidenti amerikalik hamkasbini maxsus xizmatlar yo‘nalishida yetkazilgan va mamlakatda teraktlar amalga oshirilishini bartaraf etishda ko‘mak bergan ma’lumot uchun minnatdorlik bildirdi.
Putin va Tramp terrorizmga qarshi kurash borasida ikki tomonlama hamkorlikni davom ettirishga kelishib oldi.
Rossiya Federal xavfsizlik xizmati shundan so‘ng Sankt-Peterburgda Yangi yil bayrami kunlari odamlar gavjum joylarda terakt uyushtirishni rejalashtirishda gumon qilingan 2 nafar rossiyalik qo‘lga olinganini e’lon qildi. Ularga nisbatan jinoyat ishi qo‘zg‘atilgan.
Izoh (0)