Noma’lum erkak Texasning Uayt-Setlment shahridagi ibodatxonada otishma keltirib chiqardi. Bu haqda mahalliy politsiyaga asoslanib, CNN xabar bermoqda.
Qurollangan shaxs taxminan 250 kishi qatnashayotgan yakshanbalik ibodat vaqtida o‘t ochgan. The New York Times’ning yozishicha, ibodat marosimi internet orqali jonli efirda translyatsiya qilinayotgan edi.
Erkak qatorlarning biridan turib bir necha bor o‘q uzgan. Cherkovni qo‘riqlash bo‘yicha ko‘ngillilar jamoasi a’zosi hisoblangan taqvodor tomonidan otib tashlanguniga qadar u ikki kishini o‘ldirishga ulgurgan.
Hujum taxminan olti soniya davom etgan. O‘qotar nima sababdan bunday hujum uyushtirgani noma’lum, rasmiylar uning ismini oshkor qilmayapti.
Texas shtati rasmiylari 2019-yilda sentabrida qurol saqlashga rasman ruxsati bor shaxslarga uni ibodatxonalar hududiga olib kirishga ruxsat bergan edi.
2017-yil noyabrida sobiq harbiy Devin Kelli Texasdagi Sazerlend-Springs shahridagi cherkovda 26 kishini otib tashlagan, so‘ng o‘zini o‘zi o‘ldirgan edi. Bu Texas tarixidagi eng ommaviy qotillik bo‘lgandi.
Izoh (0)