АҚШ президенти Дональд Трампнинг адвокати Рудольф Жулиани 2018 йил сентябрида Венесуэла президенти Николас Мадуро билан телефон орқали музокаралар ўтказган. Бу ҳақда The Washington Post маълум қилди.
Нашр манбаларига кўра, суҳбат «Мадурони ҳокимиятдан четлатиш ва ресурсларга бой Венесуэлани бизнес учун очиш бўйича яширин дипломатик уринишлар»нинг бир қисми бўлган.
Шу вақтнинг ўзида Жулиани Венесуэла президенти истеъфосини АҚШ президентининг ўша пайтдаги маслаҳатчиси Жон Болтон билан муҳокама қилган, бироқ у адвокатнинг таклифини қатъий рад этган. Болтон раҳбарлиги остида Оқ уй Венесуэлага қарши санкцияларни кучайтирди ва мамлакат ҳукуматига нисбатан муносабатни кескинлаштирди.
Николас Мадуро билан телефон орқали мулоқотда собиқ конгрессмен Пит Сешенс ҳам иштирок этгани айтилмоқда. Суҳбат унинг 2018 йил баҳорида Венесуэлага ташрифидан сўнг бўлиб ўтган.
Изоҳ (0)