Olmaota xalqaro aeroporti Bek Air samolyoti halokati xronologiyasini e’lon qildi

Olmaota xalqaro aeroporti Facebook’dagi rasmiy saytida favqulodda vaziyat sodir bo‘lganda aniq va hamjihatlik bilan harakat qilish zarurligini qayd etdi. Olmaota xalqaro aeroporti bu kabi holatlarda to‘g‘ri harakat qilish qoidalari va algoritmlariga ega, deyiladi postda.

Aeroportning ijtimoiy tarmoqdagi sahifasida aviahalokatdan keyin amalga oshirilgan harakatlar xronologiyasi keltirilgan.

05:35 – ro‘yxatga olish boshlangan;06:35 – ro‘yxatga olish yakunlangan;07:03 – samolyotga chiqish yakunlangan;07:21 – uchish;07:22 – bort radarlardan yo‘qolib qolgan;07:24 – uchishlar rahbari aeroport avariya-qutqaruv jamoasi shaxsiy tarkibi uchun favqulodda vaziyat bo‘yicha safarbarlik e’lon qilgan (ushbu jamoa tarkibiga Qidiruv, avariya-qatqaruv xizmati, tibbiy xizmat, yo‘lovchilar parvozlarini tashkillashtirish xizmati, Maxsus transport, Aerodrom xizmatlari, Avariyaviy xavfsizlik xizmati, yuk o‘tkazmalari xizmati, Aviatsion-muhandislik xizmati kiradi);07:27 – aeroportning avariya-qutqaruv jamoasi 6 “К” kvadratdan jamlandi;07:35 – uchishlar rahbari 20 “А” kvadratda aviahalokat sodir bo‘lgani haqida ma’lumot oldi;07:36 – aviahalokat sodir bo‘lgan joyga birinchi aeroportning o‘t o‘chirish va qutqaruv guruhi yetib kelgan va 18 “В” kvadratda halokat yuz berganini xabar qilib, yo‘lovchilar evakuatsiyasini boshlagan;07:38 – voqea joyiga aeroportning aeroportning o‘t o‘chirish va qutqaruv guruhi to‘liq tarkibda yetib kelgan va yo‘lovchilar evakuatsiyasini boshlagan;07:39 – aeroportning avariya-qutqaruv jamoasi boshlig‘i Olmaota tibbiyot muassasalaridan qo‘shimcha yordam kuchlari so‘ragan;07:42 – aeroport avariya-qutqaruv jamoasining to‘liq tarkibi voqea joyiga yetib kelgan;08:10 – mustaqil harakatlana oladigan barcha yo‘lovchilar favqulodda vaziyat yuz bergan joydan terminalga evakuatsiya qilingan.

Dastlabki daqiqalarda aviahalokat yuz bergan joyga 22 ta maxsus texnika, aeroport shaxsiy tarkibining 83 nafar a’zosi yetib kelgan.

Bek Air aviakompaniyasining samolyoti 27-dekabr kuni Qozog‘iston mahalliy vaqti bilan tonggi soat 7 da halokatga uchragan. Layner bortida besh nafar ekipaj a’zosi, 93 nafar yo‘lovchi, jumladan, 89 nafar Qozog‘iston fuqarolari, ikki nafar Ukraina, bir nafar Qirg‘iziston va bir nafar Xitoy fuqarosi bo‘lgan. O‘zbekiston tashqi ishlar vazirligi halok bo‘lganlar orasida o‘zbekistonliklar yo‘qligini bildirgan. Aviahalokat oqibatida 15 nafar odam, xususan, samolyot komandiri halok bo‘ldi. Rasmiy manbalar aviahalokat qurbonlari sonining 12 nafar ekanini ma’lum qilgan. Olmaotadagi turli tibbiyot muassasalariga jami 49 nafar odam yotqizilgan. Shavkat Mirziyoyev Olmaotadagi aviahalokat munosabati bilan Qozog‘iston prezidentiga ta’ziya bildirgan.  Aviahalokatga uchragan Bek Air samolyoti qurbonlarining oilalariga 4 million tangadan mablag‘ ajratilgan.