“Liverpul” futbol bo‘yicha Angliya Premyer Ligasining 19-turida “Lester”dan ustun keldi.
Mersisaydliklar klubi himoyachisi Trent Aleksander-Arnold ushbu o‘yinda ikkita samarali uzatmaga mualliflik qildi. Ingliz futbolchisi jamoadoshi Roberto Firminoning ikki goliga assistentlik qildi. Shuningdek, Trent jamoasining to‘rtinchi golini urdi.
Shu tariqa 21 yoshli futbolchi Premyer Liga 2018/19-yilgi mavsumi boshidan beri 20 ta golli uzatma amalga oshirdi. Bu esa hozircha eng yaxshi natija bo‘lib turibdi.
Aleksander-Arnold APL o‘tgan mavsumida 12 marta samarali uzatma amalga oshirgan bo‘lsa, bu mavsum hozircha sakkiz bor o‘z hisobiga assist yozdirib qo‘ydi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)