Habib Nurmagomedov va Dastin Porye o‘rtasidagi jangda amerikalik sportchi kiygan, keyinchalik (sentabr oyida) kimoshdi savdosida 100 ming dollarga sotilgan futbolka Toshkentda ekanligi ma’lum bo‘ldi.
Habib jangdan so‘ng raqibidan qabul qilib olgan futbolkani 100 ming dollarga sotganini Twitter’dagi sahifasi orqali ma’lum qilgandi. U bundan tushgan mablag‘ni esa Poryega tegishli The Good Fight Foundation jamg‘armasiga o‘tkazishini aytgan.
Russia Today’ning xabar qilishicha, mazkur libos ayni damda Toshkentdagi BeFit mashg‘ulot zalida saqlanmoqda. Bu haqida O‘zbekiston MMA assosiatsiyasi rahbari Otabek Umarov nashrga bergan intervyusida ta’kidlab o‘tgan.
“Bizga bu futbolkani sovg‘a qilishdi. Men bu futbolkaning joyi shu yerda, ya’ni nafaqat havaskor, balki professionallar shug‘ullanadigan joyda bo‘lishi kerak degan qarorga keldim”, — deydi Otabek Umarov.
Bu futbolkani aynan kim sovg‘a qilgani noma’lum. Habib Nurmagomedov boshchiligidagi guruh Toshkentga kelgan vaqtda bu futbolkani sovg‘a tariqasida taqdim etilgani ta’kidlagan MMA assotsiatsiyasi rahbari. Umarovning Russia Today’ga bergan intervyusida ta’kidlanishicha, uni sovg‘a qilgan odam ismi sir bo‘lib qolishini istagan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)