“Yuventus” klubi va Portugaliya terma jamoasi hujumchisi Krishtianu Ronaldu faoliyatidagi eng muhim sovrin haqida gapirdi.
“Men uchun eng muhim sovrin — Portugaliya bilan qo‘lga kiritilgan Yevropa chempionligi. Bu aqlbovar qilmas kechada men yig‘laganman, kulganman, azoblanganman (Ronaldu jarohat sabab birinchi bo‘limdayoq maydonni tark etgandi — izoh tah.), baqirganman va ichganman.
Men hazillashmayapman! Final vaqtida shunchalik kuchli yig‘laganmanki, hatto ko‘zimda yosh qolmagandi. O‘yindan so‘ng shampan vinosini ichdim va o‘sha zahoti mast bo‘lib qoldim.
Odatda men spirtli ichimliklar iste’mol qilmayman, biroq u kun o‘zgacha edi... Men uchun bu juda muhim sovrin”, — deydi Ronaldu DAZN’ga bergan intervyusida.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)