Lukashenko Rossiyaga Belarus tarkibiga qo‘shilishni taklif qildi

Belarus prezideni Aleksandr Lukashenko hazil tariqasida Rossiyaning respublika tarkibiga qo‘shilishini taklif qildi, deb xabar beradi “RIA Novosti”.

Ushbu taklif ikki mamlakat o‘rtasidagi iqtisodiy integratsiyani chuqurlashtirish bo‘yicha olib borilayotgan muzokaralar vaqtida, shuningdek, Belarus va Rossiyaning birlashish ehtimoli to‘g‘risida matbuotda vaqti-vaqti bilan muhokama qilinayotgan mavzular paytda bildirildi.

“Yagona davlat borasida Rossiya ham, Belarus ham qabul qilishi mumkin bo‘lgan eng oddiy variant — Belarus tarkibiga qo‘shilish. Ha, nima rossiyaliklar bunga qarshimi? Yo‘q. Belaruslar ham qarshi emas”, — deya hazillashadi Lukashenko.

Joriy yil oxirigacha ikki mamlakatning iqtisodiy tizimlarini bir-biriga yaqinlashtirish rejasi imzolanishi taxmin qilingan edi. Biroq yo‘l xaritalarini tasdiqlash davom etmoqda. Imzolanishi lozim bo‘lgan hujjatlar orasida Belarusga yetkazib beriladigan gaz narxi, shuningdek, yagona soliq qoidalarini yaratish masalalari mavjud.

Rossiya iqtisodiy rivojlanish vazviri Maksim Oreshkinning aytishicha, yagona valyutani joriy etish masalasi so‘nggi navbatda muhokama qilinadi.

7-dekabr kuni Minskda Rossiya bilan chuqurlashgan integratsiyaga qarshi norozilik namoyishlari bo‘lib o‘tgan edi. Ularda bir necha yuz kishi qatnashib, integratsiya borasidagi rejalar Belarus mustaqilligiga tahdid solishini aytishgan.