Xitoy hukumati 2020-yil 1-yanvardan boshlab 859 turdagi mahsulot uchun import tariflarining pasaytirilishini e’lon qildi. “Interfaks”ning xabar berishicha, bunday mahsulotlar qatoridan apelsin sharbati, farmatsevtika mahsulotlari va bir qator yuqori texnologiyali mahsulotlar o‘rin olgan.
Ta’kidlanishicha, shu tariqa Xitoy hukumati mamlakat aholisining ma’lum ehtiyojlarini qondirish niyatida. Hukumat yangi choralar import narxini pasaytirishga, yuqori darajadagi ochiq iqtisodiyot tizimini yaratishga, tashqi ochiqlik darajasini oshirish va savdoning yuqori sifatli rivojlanishini ta’minlashga yordam berishiga umid qilmoqda.
Avvalroq O‘zbekistonda 2020-yilning 1-yanvaridan boshlab 300 dan ortiq turdagi tovarlar importiga boj solinishi xabar berilgan edi.
Izoh (0)