AQSh prezidenti Donald Trampning impichmenti bo‘yicha ovoz berish Demokratlar partiyasi a’zolari o‘tkazayotgan tekshiruv yakunlanganini anglatmaydi. Aksincha, ular senatda iste’fo haqidagi masala muhokama qilinganda Trampga qo‘shimcha ayblovlarni e’lon qilishni rejalashtirmoqda. Bu haqda “RBK” xabar berdi.
Demokratlar shu maqsadda hozirgacha Vakillar palatasining huquqiy masalalar bo‘yicha qo‘mitasi yig‘ilishiga kelishdan bosh tortayotgan prezidentning sobiq maslahatchisi Don Makganni so‘roq qilmoqchi.
U Tramp tomonidan prokuror Robert Myuller boshqargan Rossiyaning AQShdagi saylovlarga aralashuvi bo‘yicha komissiya faoliyatiga to‘sqinlik qilinishi yuzasidan muhim guvoh hisoblanadi.
Xususan, Makganning Tramp chindan ham unga Myuller lavozimidan ozod etilishiga erishishi haqida ko‘rsatma bergani muhim dalil bo‘la olardi. Prezidentning o‘zi bu ayblovlarni butkul rad etmoqda.
Izoh (0)