Nukuslik fuqaro internetda aldanib 165 million so‘m pulini Nigeriyadagi hisob raqamlarga o‘tkazib yubordi. Bu haqda “Postda.uz” xabar bermoqda.
Ma’lum bo‘lishicha, Nukus shahridagi maktablardan birida o‘qituvchi bo‘lib ishlaydigan G.P. internet tarmog‘i orqali Mark Robert ismli shaxs bilan tanishib qolgan. Notanish shaxs unga AQShda joylashgan nufuzli kompaniyaga ishga kiritib qo‘yishini aytib, ishonchiga kirgan.
Uning gaplariga ishongan sodda fuqaro iyun—avgust oylari mobaynida hujjatlar, viza, yo‘lkira va boshqa “xarajatlar” uchun jami 165 million 323 ming so‘m pul mablag‘ini xalqaro pul o‘tkazmalari orqali Nigeriya davlatidagi hisob raqamlariga o‘tkazib yuborgan.
Firibgar esa shu kunga qadar bergan va’dasining ustidan chiqmagan.
Xabarda qayd etilishicha, ayni paytda jinoyatni sodir etgan shaxsni aniqlash va ushlash choralari ko‘rilgan. Holat yuzasidan jinoyat ishi qo‘zg‘atilgan.
Izoh (0)