Нукуслик фуқаро интернетда алданиб 165 миллион сўм пулини Нигериядаги ҳисоб рақамларга ўтказиб юборди. Бу ҳақда «Postda.uz» хабар бермоқда.
Маълум бўлишича, Нукус шаҳридаги мактаблардан бирида ўқитувчи бўлиб ишлайдиган Г.П. интернет тармоғи орқали Марк Роберт исмли шахс билан танишиб қолган. Нотаниш шахс унга АҚШда жойлашган нуфузли компанияга ишга киритиб қўйишини айтиб, ишончига кирган.
Унинг гапларига ишонган содда фуқаро июнь—август ойлари мобайнида ҳужжатлар, виза, йўлкира ва бошқа «харажатлар» учун жами 165 миллион 323 минг сўм пул маблағини халқаро пул ўтказмалари орқали Нигерия давлатидаги ҳисоб рақамларига ўтказиб юборган.
Фирибгар эса шу кунга қадар берган ваъдасининг устидан чиқмаган.
Хабарда қайд этилишича, айни пайтда жиноятни содир этган шахсни аниқлаш ва ушлаш чоралари кўрилган. Ҳолат юзасидан жиноят иши қўзғатилган.
Изоҳ (0)