Saylov kompaniyasi boshlangandan buyon sudlarga tuman (shahar) xalq deputatlari Kengashlari saylovini o‘tkazish va tashkil etishga oid yettita shikoyat kelib tushdi. Ulardan to‘rttasi ma’muriy ish bo‘lib, shikoyatlarning deyarli barchasi nomzodlarni ro‘yxatga olish bilan bog‘liq.
Bu haqda Xalqaro matbuot markazida 22-dekabr kuni bo‘lib o‘tgan brifingda Oliy sudi raisi Kozimjon Komilov ma’lum qildi.
OAV vakillari Kozimjon Komilovga: “Ma’muriy javobgarlikka tortilgan nomzod saylovda yutsa, deputat bo‘lishi mumkinmi?”, degan savol bilan murojaat qilgan.
“Deputatlikka nomzod hali deputatlik hujjatini olgan emas. U ham sizu bizga o‘xshagan fuqaro. Saylovdan 10 kun o‘tgach, saylov natijalari rasman e’lon qilinadi. Ma’muriy javobgarlikka tortilishi uning deputat bo‘lishiga monelik qilmaydi”, — deya Oliy sud raisining so‘zlaridan iqtibos keltirmoqda “Daryo” muxbiri.Avvalroq bosh prokuror o‘rinbosari Svetlana Ortiqova ham deputatlikka nomzodlarning ma’muriy javobgarlikka tortilgani ularning deputat etib saylanishiga to‘sqinlik qilmasligini ta’kidlagan edi.Eslatib o‘tamiz, Toshkent shahri va Namangan viloyatida mahalliy kengashlar deputatligiga nomzodi qo‘yilgan shaxslar saylovchilarni arzonlashtirishlar yoki bepul mahsulotlar tarqatish bilan o‘ziga og‘dirishga uringani uchun javobgarlikka tortilgan edi.
Izoh (0)