O‘zbekistonda tashkil etilgan 6 720 ta saylov okruglari va 10 260 ta saylov uchastkalari internet tarmog‘iga ulangan. Olis va tog‘li hududlardagi 30 ga yaqin saylov obyektlari esa yo‘ldoshli aloqa tizimi orqali internetga ulandi.
Bu haqda 22-dekabr kuni Markaziy saylov komissiyasining Xalqaro matbuot markazida bo‘lib o‘tgan brifingda axborot texnologiyalari va kommunikatsiyalarini rivojlantirish vaziri Shuhrat Sodiqov ma’lum qildi, deya xabar bermoqda “Daryo” muxbiri.
“Saylov jarayonini raqamlashtirish va avtomatlashtirishni ta’minlash maqsadida ishlab chiqilgan Saylov jarayonini boshqarish axborot tizimi saylov.gov.uz manzili bo‘yicha joylashtirildi. 22-dekabr soat 15:00 holatiga doir ma’lumotlarga ko‘ra, sayt tizimiga saylov jarayonlariga ta’sir etadigan jiddiy kiberhujumlar sodir bo‘lgani yo‘q”, — dedi vazir.AKT vazirligi rahbarining ta’kidlashicha, mazkur axborot tizimda jami 6 720 ta Oliy Majlis, viloyat va tuman (shahar) saylov okruglari, 10 260 ta saylov uchastkalari hamda 170 313 ta uchastka saylov komissiyalarining a’zolari to‘g‘risidagi to‘liq ma’lumotlar jamlangan.
Respublika bo‘yicha jami 35 mingdan ortiq okrug va uchastka saylov komissiyalari a’zolari, operatorlari hamda siyosiy partiyalar a’zolarining Saylov jarayonini boshqarish axborot tizimidan foydalanish bo‘yicha ko‘nikmalari oshirilgan.
Mavzuga doir:
- Oliy sud raisi: Nomzodlarni ro‘yxatga olish bilan bog‘liq yettita shikoyat kelib tushdi
- “Men ham 90 kundan beri shu savolni o‘zimga beraman”. Ilhom Ne’matov — Xitoydagi vatandoshlar faqat Toshkentdagi nomzodlarga ovoz bera olishi haqida
- Qo‘yliqdagi 374-saylov uchastkasi kuzatuvchisi janjal ko‘targani tasdiqlandi
- O‘zbekiston parlament saylovlari bo‘lib o‘tgan deb tan olindi
- Po‘lat Bobojonov: Saylov kuni O‘zbekiston chegaralari yopilgani yo‘q
Izoh (0)