“Meva-sabzavotchilik va uzumchilik tarmog‘ini yanada rivojlantirish, sohada qo‘shilgan qiymat zanjirini yaratishga doir qo‘shimcha chora-tadbirlar to‘g‘risida” Prezident qarori qabul qilindi, deb xabar bermoqda “Huquqiy axborot” Telegram kanali.
Qarorga muvofiq, meva-sabzavot va uzum mahsulotlarini yetishtirish, qayta ishlash va eksport qilishda klaster va kooperatsiya tizimini rivojlantirishning yangi mexanizmlari joriy etiladi.
Meva-sabzavot klasteri tashabbuskor, tegishlicha Qoraqalpog‘iston Vazirlar Kengashi va viloyatlar hokimliklari hamda Qishloq xo‘jaligi vazirligi o‘rtasidagi uch tomonlama kelishuv asosida tashkil etiladi.
Qarorga ko‘ra:
- meva-sabzavotchilikka ixtisoslashgan 55 ta tumandagi mavjud bog‘ va tokzorlar hatlovdan o‘tkaziladi;
- hatlov natijasiga ko‘ra, samarasiz bog‘ va tokzorlarni yangilash yuzasidan tumanlar kesimida manzilli ro‘yxatlar shakllantiriladi va tasdiqlanadi;
- yangi bog‘ va tokzorlarni barpo etishda ular oldindan aniq meva-sabzavot klasteriga yoki qishloq xo‘jaligi birlashmasiga biriktiriladi.
Qarorning to‘liq matni bilan quyidagi havola orqali tanishib chiqish mumkin.
Izoh (0)