Soliq qo‘mitasi “svet” o‘chishi tufayli vaqtida hisobot topshirmagan tadbirkorlardan ortiqcha pul olinmasligini ma’lum qildi

Davlat soliq qo‘mitasi matbuot xizmati tadbirkorlik subyektlariga murojaat bilan chiqdi.

O‘zbekistonda ob-havoning sovib ketganligi munosabati bilan elektr energiyasi iste’moliga bo‘lgan talabning oshib ketishi ayrim hududlarda elektr ta’minotida uzilishlarga olib kelmoqda.

Bu o‘z navbatida aloqa kanallarida ham texnik nosozliklarni keltirib chiqarib, 2019-yil 25-noyabr holatiga ko‘ra hisobotlarni qabul qilishda muammolar yuzaga keldi.

Ushbu soliq to‘lovchilar to‘g‘risida davlat soliq qo‘mitasida aniq ma’lumotlar mavjud bo‘lib, qayd etilgan obyektiv sabablarga ko‘ra hisobotlarning muddatida topshirilmaganligi uchun tadbirkorlik subyektlariga nisbatan ma’muriy javobgarlik choralari va kechiktirilgan kunlar uchun penya summalari hisoblanmasligini ma’lum qilamiz.

Davlat soliq qo‘mitasi