Солиқ қўмитаси «свет» ўчиши туфайли вақтида ҳисобот топширмаган тадбиркорлардан ортиқча пул олинмаслигини маълум қилди

Давлат солиқ қўмитаси матбуот хизмати тадбиркорлик субъектларига мурожаат билан чиқди.

Ўзбекистонда об-ҳавонинг совиб кетганлиги муносабати билан электр энергияси истеъмолига бўлган талабнинг ошиб кетиши айрим ҳудудларда электр таъминотида узилишларга олиб келмоқда.

Бу ўз навбатида алоқа каналларида ҳам техник носозликларни келтириб чиқариб, 2019 йил 25 ноябрь ҳолатига кўра ҳисоботларни қабул қилишда муаммолар юзага келди.

Ушбу солиқ тўловчилар тўғрисида давлат солиқ қўмитасида аниқ маълумотлар мавжуд бўлиб, қайд этилган объектив сабабларга кўра ҳисоботларнинг муддатида топширилмаганлиги учун тадбиркорлик субъектларига нисбатан маъмурий жавобгарлик чоралари ва кечиктирилган кунлар учун пеня суммалари ҳисобланмаслигини маълум қиламиз.

Давлат солиқ қўмитаси