Shri-Lanka demokratik sotsialistik respublikasi bosh vaziri Ranil Vikramasingxe o‘z lavozimini tark etdi, deb xabar berdi “TASS”.
Qaror prezidentlik saylovlari o‘tkazilganidan bir necha kun o‘tganidan keyin chiqarildi. Saylovlarda bosh vazirga muxolif partiya vakili Gotabaya Rajapaksa g‘olib bo‘lgan. Mahalliy Ada Derana portalining yozishicha, Vikramasingxe iste’foga chiqqach yangi prezident o‘z hukumatini tashkil etadi.
Shri-Lankadagi 9 ta viloyatning gubernatorlari ham o‘z lavozimlarini tark etgan. Amaldorlarga prezident kotibiyatidan tegishli farmoyish kelib tushgan. Yangi gubernatorlarning qachon lavozimga tayinlanishi borasida rasmiy ma’lumot berilmagan.
Gotabaya Rajapaksa 18-noyabrda prezidentlik qasmayodni amalga oshirgandi. 16-noyabrdagi prezidentlik saylovlari siyosiy beqaror vaziyatda o‘tdi. 2018-yilda sobiq prezident Maytripala Sirisena Ranila Vikramasinxeni hukumatdan chetlatib bosh vazir lavozimiga hozirgi prezidentning akasi Maxinda Rajapaksani tayinlashga uringan. Sirisena hukumatni iste’foga chiqargan, parlament ishini to‘xtatgandi. Oqibatda mamlakat bo‘ylab norozilik namoyishlari o‘tkazila boshlandi. 2018-yil dekabrda Sirisenaning qarori Oliy sud tomonidan bekor qilingan.
Izoh (0)