Шри-Ланка демократик социалистик республикаси бош вазири Ранил Викрамасингхе ўз лавозимини тарк этди, деб хабар берди «ТАСС».
Қарор президентлик сайловлари ўтказилганидан бир неча кун ўтганидан кейин чиқарилди. Сайловларда бош вазирга мухолиф партия вакили Готабая Ражапакса ғолиб бўлган. Маҳаллий Ада Дерана порталининг ёзишича, Викрамасингхе истеъфога чиққач янги президент ўз ҳукуматини ташкил этади.
Шри-Ланкадаги 9 та вилоятнинг губернаторлари ҳам ўз лавозимларини тарк этган. Амалдорларга президент котибиятидан тегишли фармойиш келиб тушган. Янги губернаторларнинг қачон лавозимга тайинланиши борасида расмий маълумот берилмаган.
Готабая Ражапакса 18 ноябрда президентлик қасмаёдни амалга оширганди. 16 ноябрдаги президентлик сайловлари сиёсий беқарор вазиятда ўтди. 2018 йилда собиқ президент Майтрипала Сирисена Ранила Викрамасинхени ҳукуматдан четлатиб бош вазир лавозимига ҳозирги президентнинг акаси Махинда Ражапаксани тайинлашга уринган. Сирисена ҳукуматни истеъфога чиқарган, парламент ишини тўхтатганди. Оқибатда мамлакат бўйлаб норозилик намойишлари ўтказила бошланди. 2018 йил декабрда Сирисенанинг қарори Олий суд томонидан бекор қилинган.
Изоҳ (0)