Toshkent vaqti bilan 17-noyabr tonggida Meksikaning San-Migel-de-Alende shahrida professional boks kechasi bo‘lib o‘tadi. Mazkur kechada o‘zbekistonlik bokchsi Hasanboy Do‘smatov ringga ko‘tariladi, deya xabar qilmoqda Olamsport.
Rio—2016 Olimpiadasi chempioni o‘zining prof boksdagi debyut jangida meksikalik 19 yoshli bokschi Xesus Servantes Villanuevaga qarshi jang qiladi.
Ma’lumot uchun, Xesus yosh bo‘lishiga qaramay, prof ringda 16 ta jang o‘tkazgan. To‘qqizta jangda g‘alaba qozongan, shularning beshtasi nokaut bilan yakunlangan. Hisobida yettita mag‘lubiyat bo‘lib, ularning barchasida nokautga uchragan. Villanueva so‘nggi jangini shu yilning 4-oktabr kuni Abraham Rodrigesga qarshi o‘tkazib, mag‘lub bo‘lgan.
16-noyabr kuni bokschilar an’anaga ko‘ra, tarozidan o‘tish marosimida ishtirok etdi. Har ikki bokschi ham belgilangan vazn me’yorini bajardi. Do‘smatov 48 kilogramm va 200 gramm tosh bosdi. Boks oqshomi afsonaviy Oskar de la Hoyaga tegishli Golden Boy Promotions promouterlik kompaniyasi tomonidan o‘tkazilmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)