Yevropa Chempionati—2020 saralash bosqichining 9-turidan o‘rin olgan 15-noyabr, juma kungi bahslar o‘z nihoyasiga yetdi.
Finlyandiya terma jamoasi o‘zida Lixtenshteynni yirik hisobda yengdi. Uchrashuvning 21-daqiqasida Yasse Tuominen maydon egalarini oldinga olib chiqdi. Ikkinchi bo‘limda Teemu Pukki dublga erishgan holda jamoasiga yirik g‘alabani taqdim etdi. Shu tariqa Finlyandiya o‘z tarixida ilk bor Yevropa Chempionatida o‘ynaydigan bo‘ldi.
Musobaqa yo‘llanmasini o‘tgan turda hal qilib qo‘ygan Italiya terma jamoasi Bosniya va Gertsegovinaga safar qildi. Franchesko Acherbe, Lorenso Insinye va Andrea Belottining gollari Roberto Manchini shogirdlariga navbatdagi uch ochkoni taqdim etdi.
Daniya terma jamoasi o‘z maydonida Gibraltarni qabul qilib javobsiz oltita gol urishga erishdi. Daniyaliklar yetakchisi Kristian Eriksen dublga erishdi. Ispaniya esa autsayder Malta bilan to‘qnash keldi. Ispanlar mazkur bahsda yettita gol urishga muvaffaq bo‘ldi. Gollarga Alvaro Morata, Santi Kasorla, Pau Torres, Pablo Sarabiya, Olmo, Xerar Moreno va Xesus Navas muallif bo‘ldi.
Shvetsiya terma jamoasi safarda Ruminiyaga qarshi bahs olib bordi. Markus Berg va Robin Kvaysonning gollari shvedlarga Yevro—2020 chiptasini taqdim etdi.
Yevro—2020 saralashi
9-tur bahslari
15-noyabr, juma
Armaniston — Gretsiya 0:1
Gol: 0:1 – 34 Limnios.Norvegiya — Farer 4:0
Gollar: 1:0 – 4 Reginiussen, 2:0 – 8 Fossum, 3:0 – 62 Serlot, 4:0 – 65 Serlot.Finlyandiya — Lixtenshteyn 3:0
Gollar: 1:0 – 21 Tuominen, 2:0 – 64, penalti Pukki, 3:0 – 75 Pukki.Bosniya va Gertsegovina — Italiya 0:3
Gollar: 0:1 – 21 Acherbi, 0:2 – 37 Insinye, 0:3 – 52 Belotti.Shveysariya — Gruziya 1:0
Gol: 1:0 – 77 Itten.Daniya — Gibraltar 6:0
Gollar: 1:0 – 12 Skov, 2:0 – 47 Gyutkyayer, 3:0 – 51 Breytueyt, 4:0 – 64 Skov, 5:0 – 85 Eriksen, 6:0 – 90 Eriksen.Ispaniya — Malta 7:0
Gollar: 1:0 – 23 Morata, 2:0 – 41 Kasorla, 3:0 – 62 Pau Torres, 4:0 – 63 Sarabiya, 5:0 – 69 Olmo, 6:0 – 71 Xerar Moreno, 7:0 – 85 Navas.Ruminiya — Shvetsiya 0:2
Gollar: 0:1 – 18 Berg, 0:2 – 34 Kvayson.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)