Suriya hukumati BMTda AQShning mamlakat hududidagi neftni o‘zlashtirganligi yuzasidan Damashqqa kompensatsiya to‘lash masalasini ko‘tarmoqchi. Bu haqda Suriya arab respublikasi prezidenti Bashar Asad “RIA Novosti”ga bergan intervyusida ma’lum qilgan.
Asad jurnalistlar bilan suhbatda Vashingtonni Suriya hududidagi neftni o‘g‘irlaganlikda ayblagan va Amerikaning ushbu harakatini natsistlarga xos deya baholagan.
“Hozir yovvoyi o‘rmonga o‘xshash dunyoda yashayapmiz, olam Ikkinchi Jahon urushidan avvalgi holatdagidek. Jahon urushi yakuniga yetmagandek. Biz bu boradagi shikoyatlarni BMTga yo‘llaymiz, biroq ular hujjatlar javonida chang bosib yotaveradi”, — deya AQSh harakatlarini tahlil qilgan Bashar Asad.
Asad BMT faoliyatini ham tanqid qildi va tashkilotni kuch ishlatish prinsiplarini qo‘llovchi bandit guruhlari boshqaruvchi “yarim davlat” shaklida ekanligini qayd etdi. Uning so‘zlariga ko‘ra xalqaro huquq tartibga solinmasa BMT faoliyati ham me’yorga kelmaydi.Suriya prezidentining fikricha AQSh neft tufayli ham Sobiq Ittifoqqa hujum uyushtirgan natsistlar Germaniyasiga o‘xshab ketmoqda. Bashar Asad Qo‘shma shtatlar davlat rahbarining mamlakatni boshqarmayotgani, davlat boshqaruvi ulkan korporatsiyalar qo‘lida ekanligini ta’kidladi.
Izoh (0)