Fransiya janubi-sharqida 11 noyabr kuni ro‘y bergan 5,4 balli zilziladan so‘ng shu hududdagi Ardesh departamentida joylashgan Kryua atom elektr stansiyasi to‘xtatib qo‘yildi. Bu haqda “Korrespondent.net” xabar bermoqda.
AES operatori — EDF vakillariga ko‘ra, kompaniya stansiyadagi uch reaktor faoliyatini dekabrning dastlabki ikki haftasi davomida bosqichma-bosqich tiklaydi.
Zilziladan so‘ng to‘xtatib qo‘yilgan reaktorlarda nazorat choralari belgilangan. Hozirda Fransiya atom xavfsizligi bo‘yicha milliy muvofiqlashtiruvchisi tomonidan mazkur nazorat natijalari o‘rganilmoqda.
Izoh (0)