Iroqda 60 nafardan ortiq politsiya ofitseri namoyishlarda fuqarolarga nisbatan kuch ishlatgani uchun sud qilindi

Iroqda 66 nafar politsiya ofitseri norozilik bildirayotgan xalqni tarqatish vaqtida odamlarga nisbatan keragidan ortiq kuch ishlatib, zo‘ravonlik qilgani sabab sud qilindi. Bu haqda “Kommersant” xabar berdi. Oktabrda boshlangan norozilik namoyishlarida halok bo‘lganlar soni 301 nafarga yetgan, yana 15 ming nafar fuqaro yaralangandi.

Iroq hukumatining rasmiy vakili Sa’d al-Hadisiyga ko‘ra, 1600 nafar namoyishlarda ishtiroki uchun hibsga olingan maxbuslar ozodlikka chiqarilgan. U, shuningdek, namoyishchilarga nisbatan o‘qotar quroldan politsiyachilar emas, balki aksiyalarda ishtirok etayotgan uchinchi tomon vakillari foydalanganini qayd etdi. Hadisiy hujum uyushtirgan “yashirin kuchlar” kimligi borasida aniq fikr bildirmagan.Iroq bosh vaziri Odil Abdul-Mahdi norozilik namoyishlar tufayli vazirlar darajada jiddy islohot va o‘zgartirishlar qilishni va’da bergan. Hukumat rahbari saylov tizimida islohotlar o‘tkazmoqchi. Iroq konstitutsiyasiga o‘zgartirishlar kiritilishi mumkin.Iroqdagi hukumatga qarshi namoyishlar 1-oktabrda boshlangan. 2-oktabrda Iroq hududining 75 foiz qismida internet o‘chirib qo‘yilgan va 11-oktabrda qayta ishga tushirilgandi. Ma’lum vaqt tanaffusdan so‘ng yana qayta boshlangan noroziliklarda politsiya hamda xalq o‘rtasida kuchli to‘qnashuvlar kuzatilgan. Namoyishchilar viloyatlardagi siyosiy partiyalar ofislari, mahalliy hokimliklar va diplomatik vakolatxonalar binolarini yoqishga uringan va ularning ayrimlariga o‘t qo‘ygan. 5-noyarbda Bag‘dodda va Iroqning boshqa viloyatlarida mamlakatda davom etayotgan norozilik namoyishlarining kuchaygani sabab internet yana o‘chirib qo‘yildi. Internetni o‘chirib qo‘yilishi Iroq hukumatiga 1 milliard AQSh dollaridan ortiq zarar yetkazgan.