Сурия ҳукумати БМТда АҚШнинг мамлакат ҳудудидаги нефтни ўзлаштирганлиги юзасидан Дамашққа компенсация тўлаш масаласини кўтармоқчи. Бу ҳақда Сурия араб республикаси президенти Башар Асад «РИА Новости»га берган интервьюсида маълум қилган.
Асад журналистлар билан суҳбатда Вашингтонни Сурия ҳудудидаги нефтни ўғирлаганликда айблаган ва Американинг ушбу ҳаракатини нацистларга хос дея баҳолаган.
«Ҳозир ёввойи ўрмонга ўхшаш дунёда яшаяпмиз, олам Иккинчи Жаҳон урушидан аввалги ҳолатдагидек. Жаҳон уруши якунига етмагандек. Биз бу борадаги шикоятларни БМТга йўллаймиз, бироқ улар ҳужжатлар жавонида чанг босиб ётаверади», — дея АҚШ ҳаракатларини таҳлил қилган Башар Асад.
Асад БМТ фаолиятини ҳам танқид қилди ва ташкилотни куч ишлатиш принципларини қўлловчи бандит гуруҳлари бошқарувчи «ярим давлат» шаклида эканлигини қайд этди. Унинг сўзларига кўра халқаро ҳуқуқ тартибга солинмаса БМТ фаолияти ҳам меъёрга келмайди.Сурия президентининг фикрича АҚШ нефть туфайли ҳам Собиқ Иттифоққа ҳужум уюштирган нацистлар Германиясига ўхшаб кетмоқда. Башар Асад Қўшма штатлар давлат раҳбарининг мамлакатни бошқармаётгани, давлат бошқаруви улкан корпорациялар қўлида эканлигини таъкидлади.
Изоҳ (0)